Azərbaycan şirkəti 2 yük təyyarəsi aldı
20-12-2014, 23:30
Oxunub: 2 627
Sifariş edilən təyyarələr Bakıya gətiriləcək.
Azərbaycan “Silk Way Airlines” cari ildə iki “Boeing-747-8” yük təyyarəsi alıb. “Azərbaycan Hava Yolları” QSC prezidentinin köməkçisi, xidmət rəisi Məhərrəm Səfərli bildirib ki, “Silk Way Airlines” ilə “Boeing” şirkəti arasında “Boeing-747-8” tipli müasir yük təyyarələrinin alınmasına dair ötən il martın 18-də imzalanan Anlaşma Memorandumuna əsasən, sifariş edilən daha iki təyyarə Bakıya gətiriləcək.
Təyyarələrdən birinin 2015-ci ilin sonunda, digərinin isə 2016-cı ilin əvvəllərində Azərbaycana gətirilməsi nəzərdə tutulur. Qeyd edək ki, ən müasir təyyarələr olan “Boeing 747-8”, həmçinin ən çox yükgötürmə qabiliyyətinə də malikdir. Yeni texnologiyalarla təchiz olunan bu hava gəmiləri ilə daşımanın qiyməti digərlərinə nisbətən təxminən 16 faiz ucuz başa gəlir.
Azərbaycanda əsas aviadaşıyıcılardan olan “Silk Way Airlines” 2001-ci il oktyabrın 9-da Azərbaycan Respublikasının Mülki Aviasiyası tərəfindən yaradılıb. Aviaşirkət neft avadanlığı, tikinti materialları, ağır sənaye avadanlığı və maşınları, dəniz və 20 futluq konteynerlər, nəqliyyat vasitələri və onların ehtiyat hissələri, humanitar yardım, təhlükəli yüklərin daşınmasında geniş imkanlara və təcrübəyə malikdir.
Bolgexeber.com
Çox Oxunanlar
- 30-03-2024, 18:40 : Kəlbəcərdə silah- sursat aşkarlandı
Xəbərlər / Ölkə
- 6-04-2024, 16:31 : İlham Əliyev sərəncam imzaladı
Siyasət / Xəbərlər
- 13-04-2024, 17:21 : "20 Yanvar" faciəsinin şahidi sökülür?
Xəbərlər / Ölkə
- 28-03-2024, 13:36 : Məktəblərə işə qəbul üzrə təkrar müsahibə keçiriləcək
Xəbərlər / Ölkə
- 20-04-2024, 17:53 : Bu avtobuslardan istifadə edənlərin NƏZƏRİNƏ
Xəbərlər / Ölkə
- 10-04-2024, 15:42 : Misir Mərdanovun səhhətində problem yarandı
Xəbərlər / Ölkə
- 9-04-2024, 17:54 : Türkiyədə ən çox dinlənilən qadın müğənni oldu
Şou-Biznes / Xəbərlər
- 4-04-2024, 18:59 : Əli Əsədov Konqo prezidenti ilə görüşdü
Siyasət / Xəbərlər
- 13-04-2024, 15:52 : “WhatsApp” işlədənlərin NƏZƏRİNƏ - Bunu etmək mümkün olacaq
Xəbərlər / Ölkə
- 6-04-2024, 16:28 : Rəsmi Bakıdan İrəvana cavab
Siyasət / Xəbərlər