Bizimlə əlaqə | Reklam
BolgeXeber.Com » Gündəm » Sevinc Osmanqızı haqqındakı cinayət işindən danışdı: “Bu, mənim üçün ağırdır”

Sevinc Osmanqızı haqqındakı cinayət işindən danışdı: “Bu, mənim üçün ağırdır”

9-01-2015, 14:10
Oxunub: 4 579 Tanınmış telejurnalist, Qadın Jurnalistlər Birliyinin sədri Sevinc Osmanqızı Bakının Nərimanov rayonunda haqqında açılan cinayət işinə reaksiya verib.

Modern.az saytına verdiyi açıqlamada o, bu hadisədən təəssüfləndiyini vurğulayıb.

"Belə bir təəssürat yaranır ki, mənə qarşı tələm-tələsik cinayət işi açmaq sifarişi verilib. Bu, çox təəssüf doğurur. Demokratik cəmiyyətdə plüralizmə, peşəkar jurnalistika prinsiplərinə dözümlülük olmalıdır. Azad mətbuat nümayəndələrini susdurmaq üçün inzibati resurslardan istifadə etmək yolverilməzdir.
Azərbaycan jurnalistikasında 20 ildən bəri külüng çalan biri kimi, bu, mənim üçün ağırdır.
Mən həmişə vətənimlə fəxr etmişəm. Bu proseslər bizə yaraşmır və onlara son qoyulmalıdır".

Qeyd edək ki, Sevinc Osmanqızının keçmiş həyat yoldaşı Azər Xəlilovun iddiası əsasında ona qarşı Cinayət Məcəlləsinin 147 (böhtan atma) və 148-ci (təhqir etmə) maddələri ilə cinayət işi açılıb.

Bir neçə gün öncə Bakının Nərimanov rayon Məhkəməsində xüsusi ittiham qaydasında qaldırılan cinayət işi üzrə məhkəmənin baxış iclası keçirilib. Prosesə hakim Məzahir Sadıqov sədrlik edir.
Sevinc Osmanqızı hazırda ABŞ-da yaşayır.

Məhkəmə prosesinin yanvarın 13-də davam etdiriləcəyi gözlənilir.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]