Bizimlə əlaqə | Reklam
BolgeXeber.Com » Gündəm » Paytaxtdakı məşhur mağazada biabırçı durum

Paytaxtdakı məşhur mağazada biabırçı durum

12-01-2015, 15:00
Oxunub: 3 437 "28 Mall" ticarət mərkəzindəki ZARA geyim mağazasındakı vəziyyət malların qiymətləri ilə müqayisədə çox ucuzdur.

"28 Mall"dakı ZARA mağazasında qiymətlərin hansı həddə olduğunu bilirdim. Onu da bilirdim ki, ZARA özünü orta və yüksək təbəqəyə xidmət göstərən sanballı brend kimi təqdim edir. Ancaq bilmirdim ki, mağazanın geyinmə otaqları ticarət mərkəzindəki tualetlərlə də müqayisə oluna bilməz".

Bizimyol.info xəbər verir ki, bu sözləri Radio ANTENN 101FM-in xəbər aparıcısı Əzizə İsmayılova özünün Facebook səhifəsində yazıb.

Mağazaya alış-veriş etməyə gedən aparıcı gördüklərindən şoka düşüb. Bahalı brend mağazasında belə natəmizliyin şahidi olacağı heç ağlına da gəlmirdi.

"Sanki geyinmə otağına deyil, zibil qabına girirsən! Kabinalarda toz dizə qədərdir. Satıcılardan biri dedi ki, xadimələrə pul vermək istəmirlər. Ona görə də geyinmə otaqları bu gündədir", - xanım aparıcı qeyd edib.

Əzizə İsmayılova şahid olduğu görüntü ilə bağlı mağazanın meneceri ilə də söhbət edib. Aralarındakı dialoq belə olub:

- Ora çirklidir, çünki çatdırmırıq.

- Necə çatdırmırsınız? Özünüz şəxsən təmizləyirsiniz?

- Əlbəttə ki, yox!

- Satıcılar təmizləyir?

- Xeyr.

- Bəs xadimələr başqa işlə də məşğul olurlar?

- Xeyr... Biz sadəcə çatdırmırıq...

Daha sonra aparıcı bildirib ki, kassada duran satıcılar, müştəri ilə çox sərt və saymazyana davranırlar:

"İnsan məcburən bir sualı 2-3 dəfə verməli olur, "xanım, sizin meneceri necə görə bilərəm?" sualını xanım satıcı eşitməzdən gəldi. Səbr etdim. Bir də sual verdim və gözlədim. Düz 10 dəqiqə sonra səsimi yüksəltmək zorunda qaldım. Bu dəfə xanım, çox böyük bir əda ilə oğlan əməkdaşlardan birini menecer arxasınca göndərdi.

Mağazada etdiyim müşahidə zamanı da anlamadığım durum vardı. Bir xanım mağaza işçisindən ona şalvar seçimində kömək etməsini istədi. İşçinin cavabı isə “xanım, şalvarlar ordadı, gedin baxın” deyib istiqamət göstərmək oldu.

Qiymətləri kifayət qədər yuxarı olan bu dükanda insanlara münasibətin bu qədər aşağı olmasının səbəbi hələ də mənə aydın deyil".
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]