Bizimlə əlaqə | Reklam
BolgeXeber.Com » Gündəm » Vətəndaş 6 aydır kartını SMM-in işçisindən ala bilmir

Vətəndaş 6 aydır kartını SMM-in işçisindən ala bilmir

16-01-2015, 20:45
Oxunub: 4 559 Aytən xanım Xətai SMM-in işçisi Kamranın 5 aydır onun yerinə sosial yardımı götürdüyünü bildirir

Son günlər Xətai rayon Sosial Müdafiə Mərkəzinin direktoru Sərdar Xıdırovdan xeyli sayda şikayətlər mətbuatda yer alıb. Lakin buna rəğmən, mərkəzin direktoru ilə bağlı nə araşdırma aparılıb, nə də hər hansı bir tədbir görülüb. Və bunun hansı səbəbdən baş verdiyi də naməlum olaraq qalır.

Bu əsnada jam.az-a müraciət edən Xətai sakinlərindən biri qeyd edib ki, ünvanlı sosial yardım almaq üçün ona verilmiş kart SMM-in işçisi tərəfindən əlindən alınıb. Aytən adlı oxucumuz qeyd edir ki, 5 ay bundan əvvəl ona ünvanlı sosial yardım ayrılıb. Lakin həmin vaxtdan bəri Xətai SMM-in işçisi Kamran adlı şəxs onun kartını əlindən alaraq, özündə saxlayır. «Kamran 5 aydır mənim yardımımı alır. Telefonla zəng vurub kartımı istəmişəm. Deyir ki, 1 aydan sonra 6 ay tamam olur. Tamam olsun kartı geri verəcəm».

Oxucumuz yazır ki, dəfələrlə Əmək və Əhalinin Sosial Müdafiəsi Nazirliyinə müraciət edib. Lakin heç bir müraciətinə cavab verilməyib.
Bolgexeber.com
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]