Bizimlə əlaqə | Reklam
BolgeXeber.Com » Gündəm » 8 nəfər məhkəmə zalinda həbs olundu

8 nəfər məhkəmə zalinda həbs olundu

7-04-2011, 00:00
Oxunub: 7 780 Azərbaycanda korrupsiyada ittiham olunan təhsil şöbəsinin sabiq müdirinə 11 il cəza verilib

Bolgexeber.com-un verdiyi məlumata görə, korrupsiya cinayətlərində ittiham olunan Goranboy rayon Təhsil Şöbəsinin sabiq müdiri, şöbənin əməkdaşları və bir neçə orta məktəb direktoruna hökm oxunub.

Bakı Ağır Cinayətlər Məhkəməsindən verilən məlumata görə, məhkəmənin hökmü ilə Goranboy rayon Təhsil Şöbəsinin sabiq müdiri Elmar Əliyevə 11, Ağamalıoğlu kənd orta məktəbinin direktoru İlqar Əliyevə 4, Səfıkürd kənd orta məktəbinin direktoru Cəmaləddin Nəsibova 4 il azadlıqdan məhrumetmə cəzası verilib.

Zamində olanlar Faiq Quliyev 8 il 6 ay, şöbənin metodiki kabinetinin müdiri Faiq Dosiyev 8 il, Yunis Cəfərov 8 il, Yalçın İsmayılov 8 il, Qüdrət Quliyev 7 il 6 ay, İlqar Məmmədov 7 il 6 ay, Rövşən Abbasov 4 il, Elşən Bağırov 3 il müddətinə azadlıqdan məhrum edilərək, məhkəmə zalında həbs olunublar.

Zamində olan və prosesə gəlməyən Mehman Məmmədovun 8 il 6 ay, Xasay Qasımovun isə 4 il müddətinə azadlıqdan məhrum edilməsi və barələrində axtarış elan olunması barədə məhkəmə hökm verib.

Ələs İbrahimova 2 il sınaq müddəti ilə 7 il şərti cəza verilib.

Elmar Əliyev Goranboy rayonunda 52 saylı orta məktəbinin və rayon ərazisində fəaliyyət göstərən Kəlbəcər rayonunun 11 saylı orta məktəbinin XI sinif şagirdlərindən test imtahanlarında yüksək bal və attestat verilməsi müqabilində pul yığılmasını təşkil edib və külli miqdarda rüşvət alıb.

Əliyev təhsil şöbəsinin metodiki kabinetinin müdiri Faiq Dosiyev vasitəsilə pulun ona çatdırılmasını tapşırıb.

İstintaq zamanı Əliyevin yaşayış və iş yerində şagirdlərin 1996-2002-ci illərdə orta məktəbi bitirmələrinə dair müxtəlif seriya və nömrəli 44 ədəd yazılan, 27 ədəd isə boş əsas təhsil haqqında şəhadətnamə və orta təhsil haqqında attestatlar aşkar edilərək götürülüb.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]