Biləsuvarda şəhidin məzarı təhqir olunub, bayraq cırılıb - NARAZILIQ...
27-02-2020, 09:45
Oxunub: 5 731
Virtualaz.org xəbər verir ki, bu barədə şəhidin qardaşı Sahib Məmmədov məlumat verib.
Onun sözlərinə görə, fevralın 21-də şəhid qardaşının məzarını ziyarətə gələn zaman qəbir daşının dağıdıldığının, məzarın üzərindəki bayrağın götürüldüyününün şahidi olublar: “Qardaşımızın məzarını ziyarətə gələndə gördük ki, buradakı bayraq oğurlanıb, qəbir daşı təhqir olunub. Dərhal hadisə ilə bağlı hüquq-mühafizə orqanlarına məlumat verdik. Çünki qardaşım Azərbaycanın bütövlüyü uğrunda canını qurban verib. Bu bayraq, bu şəhid bizim hamımızındır, Azərbaycanındır. Bu gün şəhid məzarını təhqir edən, sabah vətənə də xəyanət edər...”
S. Məmmədov deyir ki, məzarın təhqir olunmasından bir həftəyə yaxın vaxt keçsə də, hadisəni törədən şəxs tapılmayıb: “Polisə, prokurorluğa şikayət eləmişik, dəfələrlə icra başçısına müraciət eləmişik, heç bir nəticəsi yoxdur. Mən prezidentə, Baş Prokurorluğa, Daxili işlər nazirinə müraciət edirəm, xahiş edirəm, bu məsələni araşdırın”.
Məzarın təhqir olunmasına etiraz əlaməti olaraq Bəydili kənd sakinləri icra hakimiyyətinin qarşına toplaşıblar. Onlar şəhid məzarını təhqir edənin tezliklə tapılmasını tələb ediblər.
Məsələ ilə bağlı Biləsuvar Rayon İcra Hakimiyyəti ilə əlaqə saxladıq. İcra hakimiyyətindən bu məsələnin şişirdildiyini, daha ətraflı məlumat üçün RİH başçısının müavini-ictimai-siyasi və humanitar məsələlər şöbəsinin müdiri Ləman Yüzbəyova ilə əlaqə saxlamalı olduğumuzu bildirdilər. Bir neçə saat ərzində dəfələrlə əlaqə saxlamağa çalışsaq da, Ləman xanım zənglərimizə cavab vermədi. Biləsuvar Rayon Polis İdarəsindən də heç bir cavab ala bilmədik.
Qeyd edək ki, şəhid Mahir Füzuli oğlu Məmmədov 1977-ci ildə Biləsuvar rayonunun Bəydili kəndində anadan olub. 1996-cı ildə Füzuli rayonunun Kürdmahmudlu kəndində şəhid olub. Yanvarın 26-da Bəydili kənd qəbiristanlığında dəfn olunub.
Çox Oxunanlar
- 7-06-2025, 17:45 : Türkiyədə güclü meşə yanğını olub
Dünya / Xəbərlər - 21-06-2025, 17:51 : İran təcili çağırış etdi
Dünya / Xəbərlər - 11-06-2025, 17:31 : Boksçumuz doğum günündə uğur qazandı
İdman / Xəbərlər - 28-06-2025, 18:23 : Azərbaycan Pakistana başsağlığı verdi
Siyasət / Xəbərlər - 7-06-2025, 15:38 : Məşhur futbolçu "İnter" də- Rəsmi
İdman / Xəbərlər - 9-06-2025, 14:55 : Yasda ehsan verilməsi ləğv olundu
Sosial / Bölgə / Xəbərlər - 9-06-2025, 14:14 : Ən yaxşı futbolçu titulunu o qazandı
İdman / Xəbərlər - 9-06-2025, 10:25 : UEFA Millətlər Liqasının qalibi müəyyənləşib
İdman / Xəbərlər - 11-06-2025, 11:10 : "Qarabağ" 5 pillə gerilədi
İdman / Xəbərlər - 14-06-2025, 15:37 : Rayon rəhbəri yekun attestasiya imtahanında yüksək bal toplayan məzunları təltif edib
Bölgə / Xəbərlər
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!
Azərbaycan Respublikası, Bakı şəhəri
(+99470) 600 50 01
(+99450) 229 29 20
(+994 70) 734 50 00
