BolgeXeber.Com » Gündəm » Masallıda “Tanıdım səni” verilişi tanınmaz hala düşdü-Video

Masallıda “Tanıdım səni” verilişi tanınmaz hala düşdü-Video

24-07-2011, 12:50
Oxunub: 5 121 Hadisə yerindən telefonla çəkilən videoları sizə təqdim edirik.

Özünün əxlaqsız verilişləri ilə məhşur olan ATV kanalı və bu kanalda yayımlanan “Tanıdım səni” şou proqramı bu gün Masallının “qonağı” idi. Ağdamın işğalı günü böyük təm-təraqla hazırlanan şou proqrama Faiq Ağayev də daxil olmaqla Azərbaycanın şou biznes “ulduzları” qatılmışdı.
Azərbaycanın milli-mənəvi dəyərlərinə zidd olduğu üçün Masallı sakinlərinın əksəriyyəti bu şou proqramın Masallıda keçirilməsinə öz etirazlarını bildirmişdilər.

Böyük etiraza səbəb olan “Tanıdım səni” proqramının başlamasından bir saat sonra “Tanıdım səni” şou proqramı tanınmaz hala düşüb. Keçirilən konsert proqramında böyük qalmaqal yaranıb.

Hadisə şahidlərinin bildirdiklərinə görə, Masallı şəhəri Nizami parkında (Mədəniyyət evinin qarşısı) keçirilən “Tanıdım səni” şou proqramının aparıcısı Zaur Baxşəliyev və Faiq Ağayevin iyrənc hərəkətlərinə dözə bilməyən Masallı cavanları Zaur və Faiq Ağayevi döymək istəyiblər. Faiq və Zaura hücum çəkən sakinlər polis dəyənəyinə tuş gəliblər.

5-6 nəfər etirazçı polis maşınına mindirilərək Masallı rayon polis şöbəsinə aparılıb. Deyilənlərə görə aparılanlar arasında təqribən 12 yaşı olan az yaşlı uşaq da olub.

Dəqiqləşdirə bilmədiyimiz məlumatlardan biri də Faiq Ağayevi mühafizə edən cangüdənlərdən birinə bıçaqla xəsarət yetirilməsidir.
Baş verən olaydan sonra “şou proqram” nəzərdə tutulan iki günlük çəkilişi yarımçıq qoyaraq paytaxt Bakıya qaçıb.
Hadisə yerindən telefonla çəkilən videoları sizə təqdim edirik.

Məlumat olduqda yenilənəcək./ xeber44.com/


[youtube]http://www.youtube.com/watch?v=lnCo4GwMc7g&feature=player_embedded[/youtube]

Video-2

[youtube]http://www.youtube.com/watch?v=ZSm0iPdapXU&feature=player_embedded[/youtube]