BolgeXeber.Com » Analitika » Rafiq Tağının qətli üzrə aparılan istintaq dayandırıldı

Rafiq Tağının qətli üzrə aparılan istintaq dayandırıldı

15-05-2014, 14:20

Oxunub: 4 206

Bakı Apellyasiya Məhkəməsi yazıçı-publisist Rafiq Tağının qətli üzrə aparılan istintaqın dayandırılması qərarından şikayəti təmin etməyib.

Məlumatı “Media forum” saytına vəkil Elçin Sadıqov verib. Vəkil qeyd edib ki, istintaqın dayandırılmasının əsassız və yolverilməz olduğunu təsdiqləyən ciddi arqumentlər göstərmələrinə baxmayaraq Bakı Apellyasiya Məhkəməsi şikayəti təmin etməyib və Nəsimi Rayon Məhkəməsinin qərarını qüvvədə saxlayıb.

Elçin Sadıqov bildirib ki, Rafiq Tağının qətlinin üstünün açılmamasından Avropa İnsan Hüquqları Məhkəməsinə şikayət verəcəklər: “Şikayət hazırdır, Bakı Apellyasiya Məhkəməsinin qərarını alan kimi göndərəcəyik. Ümidimiz yalnız Avropa Məhkəməsinədir”.

Rafiq Tağı 2011-ci il noyabrın 19-da Bakıda bıçaqlanıb və aldığı xəsarətlərdən noyabrın 23-də vəfat edib. İstintaqı aparan Baş Prokurorluğun Ağır Cinayətlərə Dair İşlər üzrə İstintaq İdarəsi 2014-cü il yanvarın 8-də cinayət işi üzrə icraatı dayandırıb. İstintaqın dayandırılması qərarından Nəsimi Rayon Məhkəməsinə verilən şikayət təmin olunmayıb.

Çox Oxunanlar