BolgeXeber.Com » Analitika » Elmira Axundovadan «Azercell»ə etiraz-VİDEO

Elmira Axundovadan «Azercell»ə etiraz-VİDEO

29-10-2014, 09:45

Oxunub: 3 266

Deputat ona gələn doğum haqqında SMS-lərdən bezib, millət vəkili müvafiq qurumlara şikayət etməli olacaq

Deputat Elmira Axundova Azercell şirkətindən şikayətçi düşüb. Buna səbəb isə şirkətin mütəmadi olaraq ona SMS-lər göndərməsidir. Dünən Milli Məclisin iclasında bununla bağlı danışan millət vəkili vurğulayıb ki, Azercell-in göndərdiyi SMS-lər sırasında elələri də var ki, onun oxunması belə qəbahətlidir.

Dəqiqləşdirmələrə görə, deputata gələn SMS-lər sırasında əsas yeri Baku Medical Plaza klinikasının reklamı tutur. Və xanım Axundovaya acıq gələn də elə bu reklam mesajının mətnidir. Çünki orada təbii yolla doğuşun 800 manat, qeysəriyyə yolu ilə uşaq dünyaya gətirilməsinin 1000 manat olduğu vurğulanır.

Jam.az xəbər verir ki, Elmira Axundova belə SMS-lərin yaş qrupları üzrə göndərilməsini istəyir və məsələ ilə bağlı şirkətə də müraciət edib. Lakin bunun heç bir xeyri olmayıb. Ona görə də, Azercell-ə bağlı tədbir görülməsi üçün müvafiq dövlət qurumlarına müraciət etməkdən başqa çarəsi qalmayıb.
Bolgexeber.com

Çox Oxunanlar