Bizimlə əlaqə | Reklam
BolgeXeber.Com » Ölkə » İcra başçısının gübrə biznesi: - Nazir Xocavəndə ayrılan yardımları araşdırır

İcra başçısının gübrə biznesi: - Nazir Xocavəndə ayrılan yardımları araşdırır

13-05-2015, 11:06
Oxunub: 6 117 İcra başçısının gübrə biznesi: - Nazir Xocavəndə ayrılan yardımları araşdırırEyvaz Hüseynov Xocavəndi talamaqla məşğuldur

Ən uzunömürlü icra başçısı işğal olunmuş bölgəyə ayrılan vəsaitləri xımır-xımır yeyir.
BOLGEXEBER.COM tia.az-a istinadən bildirir ki, bir qrup xocavəndli məcburi köçkün rayon rəhbəri Eyvaz Hüseynovdan narazılıq edir. Bu narazılıqlara dair faktlar yer alıb.

İddia olunur ki, Xocavəndə 6280 hektar torpaq sahəsi subsidiya yardımı rəsmiləşdirilib.

Sənədlərdə qeyd olunan 6280 hektar torpaq sahəsinin təxminən 4 min hektara yaxını icra başçısı və onun müavini, aqrar məsələlər üzrə şöbənin müdiri Rəfael Mustafayev tərəfindən saxtalaşdırılıb. Bu sənədlər əsasında 4 hektar subsidiya yardımı siyahısına salınıb.

İcra başçısı hər il bu yolla dövlət büdcəsindən yüz min manatlarla vəsaiti mənimsəyə bilir. Kənd təsərrüfatı naziri Heydər Əsədov Xocavənd rayonuna buğda məhsullarının əkin-biçini üçün 500 min manat ayırıb.
Həmçinin bu torpaqlarda məhsuldarlığı artırmaq üçün dövlət tərəfindən yarı qiymətinə azot gübrələri verilib. Nazirin göstəriş əsasında bu vəsaitlərin necə xərcləndiyi araşdırılmağa başlanıb.
Bu isə icra başçısı və müavinini çətin vəziyyətə salıb. Eyvaz Hüseynov müavini ilə əlbir olaraq 4 min hektar torpaq sahəsinə verilən 700 tona yaxın azot gübrəsini müxtəlif şəxslərin əli ilə Beyləqan, Ağcabədi və İmişli bazarlarına satdırıb.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]