Üç mindən artıq zərərçəkən pulunu tələb edir
29-08-2015, 11:20
Oxunub: 2 978
Məhkəmədə hakimin sualı, aldadılan payçıları qəzəbləndirdi
Dünən Bakı Ağır Cinayətlər Məhkəməsində "Sevil Massivi" MTK-nın vəzifəli şəxsləri barəsində başlanmış cinayət işi üzrə məhkəmə prosesi davam etdirilib.
Prosesdə bir qrup zərərçəkən dindirilib. İfadə verənlər onlara məxsus daşınmaz əmlakın istifadələrinə verilməsini, bu mümkün deyilsə, MTK-ya ödədikləri vəsaitin geri qaytarılmasını tələb ediblər.
Hakimlərin zərərçəkmişlərə "ev tikmək üçün icazə almısınız" sualı ilə müraciət etməsi onları hiddətləndirib. Onlar bildiriblər ki, torpaq alıb ev tikdikləri ərazidə "Sevil Massivi" MTK da ev tikib. Və MTK rəhbərliyi payçılara bildirib ki, bu ərazidə torpaq alandan sonra icazəsiz ev tikmək hüququna malikdirlər.
Zərərçəkmişlərin dindirilməsi 4 sentyabr 2015-ci il tarixdə keçiriləcək məhkəmə prosesində davam etdiriləcək. "Sevil Massivi" MTK-dan əvvəlcə 3250 zərərçəkən olub, sonradan onlardan bəziləri təklif olunan məbləğlə razılaşıb və prosesdən çəkilib. Hazırda 3 minə yaxın zərərçəkən var.
Qeyd edək ki, Baş Prokurorluğun mətbuat xidmətinin ötən il iyulun 25-də yaydığı məlumata görə, "Sevil Massivi" MTK-da külli miqdarda vergilərin dövlət büdcəsinə ödənilməsindən yayındırılması faktına əsasən Vergilər Nazirliyində başlanmış cinayət işi üzrə istintaq aidiyyəti üzrə Baş prokuror yanında Korrupsiyaya qarşı Mübarizə Baş İdarəsində davam etdirilib. Kooperativin təsisçisi Aynur Zeynalovanın kooperativin direktoru Elçin İsmayılov və digərləri ilə qabaqcadan əlbir olub 2013-2014-cü illərdə 172 min 507 manat məbləğində sadələşdirilmiş vergini dövlət büdcəsinə ödəməkdən yayınmalarında, habelə xüsusi razılıq (lisenziya) tələb olunduğu halda, belə razılıq alınmadan qanunsuz sahibkarlıq fəaliyyəti ilə məşğul olaraq 99 min 597 manat məbləğində gəlir əldə etmələrində şübhələr üçün əsaslar olduğundan barələrində cinayət işi açılıb.
Çox Oxunanlar
- 30-03-2024, 18:40 : Kəlbəcərdə silah- sursat aşkarlandı
Xəbərlər / Ölkə
- 6-04-2024, 16:31 : İlham Əliyev sərəncam imzaladı
Siyasət / Xəbərlər
- 13-04-2024, 17:21 : "20 Yanvar" faciəsinin şahidi sökülür?
Xəbərlər / Ölkə
- 25-03-2024, 17:57 : Terror aktından sonra bu şəxslərə nəzarət gücləndirildi
Dünya / Xəbərlər
- 26-03-2024, 17:50 : 14 yaşdan kiçiklər üçün sosial media qadağası
Sosial / Xəbərlər
- 28-03-2024, 13:36 : Məktəblərə işə qəbul üzrə təkrar müsahibə keçiriləcək
Xəbərlər / Ölkə
- 20-04-2024, 17:53 : Bu avtobuslardan istifadə edənlərin NƏZƏRİNƏ
Xəbərlər / Ölkə
- 10-04-2024, 15:42 : Misir Mərdanovun səhhətində problem yarandı
Xəbərlər / Ölkə
- 9-04-2024, 17:54 : Türkiyədə ən çox dinlənilən qadın müğənni oldu
Şou-Biznes / Xəbərlər
- 25-03-2024, 17:47 : Zamiq Hüseynov: “Kiminsə sözü məni narahat etmir”
Şou-Biznes / Xəbərlər