Bizimlə əlaqə | Reklam
BolgeXeber.Com » Media » Fikrət Fəraməzoğlu seçkilərə qatılır

Fikrət Fəraməzoğlu seçkilərə qatılır

14-09-2010, 02:35
Oxunub: 6 922
"Nonsens" qəzetinin baş redaktoru 72 saylı Yardımlı-Masallı seçki dairəsindən namizədliyini irəli sürəcək

Tanınmış jurnalist, «Nonsens» qəzetinin baş redaktoru Fikrət Fəraməzoğlu parlament seçkilərində iştirak etmək qərarını verib. Bu barədə “Bolgexeber.com”-un əməkdaşına açıqlama verən baş redaktor bildirib ki, həftənin 3-cü günü sənədlərini yerli DSK-ya təqdim edəcək.

Fəraməzoğlu bildirib ki, namizədliyini 72 saylı Yardımlı-Masalı seçki dairəsindən irəli sürəcək. «Hələ 2005-ci ildə də parlament seçkilərində 72 saylı Yardımlı-Masalı dairəsindən namizədliyimi irəli sürmüşdüm. Bu dəfə də seçimim dəyişməz qalıb. Çünki doğulduğum, böyüdüyüb kənd bu dairənin ərazisində yerləşir və bu səbəbdən də başqa bir dairədən namizəd olmağım mənəvi cəhətdən doğru olmazdı».

Tanınmış jurnalist onu da bildirib ki, namizədliyini irəli sürəcəyi dairədə şansları kifayət qədər çoxdur və bu seçkilərdə əvvəlkindən fərqli olaraq, daha fərqli taktika ilə hərəkət etmək fikrindədir. «Ötən seçkilərdə etiraf edim ki, təcrübəsizlik bir sıra problemlər yaratdı. Amma ona baxmayaraq, yenə də seçkilərin qalibi olaraq göründüm. Bu dəfə isə tamam fərqli bir yanaşma və taktika ilə hərəkət etmək barədə düşünürəm. Eyni zamanda, ötən seçkilərdən fərqli olaraq, bu dəfə qələbəmin təmin edilməsi üçün sonadək mübarizə aparacam».
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]