Bizimlə əlaqə | Reklam
BolgeXeber.Com » Media » Mətbuat Şurasının üzvü jurnalistləri şallaqlamağı təklif etdi

Mətbuat Şurasının üzvü jurnalistləri şallaqlamağı təklif etdi

5-05-2011, 16:45
Oxunub: 5 370
Bu gün Mətbuat Şurasında (MŞ) “Diffamasiya haqında” qanun müzakirə olunub.

Bolgexeber.com-un məlumatına görə, qurumun üzvləri bu qanunun icra edilməsi ilə bağlı müxtəlif mövqelər sərgiləyib. Onlardan bir qismi qanunun əleyhinə, bir qismi isə qanun leyhinə çıxış edib. Bəzi üzvlər əslində təhqirə görə cinayət məsuliyyətinin ləğv edilməsini nəzərdə tutan qanun layihəsinin qəbulundan narahatlıq ifadə ediblər. Bunun cəzasızlıq yaradacağından çəkindiklərini bildiriblər.

Mətbuat Şurasının üzvü, “525-ci qəzet”in baş redaktoru Rəşad Məcid isə hər kəsi şoka sala biləcək təkliflə çıxış edib. O bildirib ki, əgər qanun qəbul olunarsa və təqhriə görə cinayət məsuliyyəti aradan qaldırılarsa, onda alternativ cəza tətbiq olunmalıdır. O təklif edib ki, təhqirə yol verən jurnalist şallaqla cəzalandırılmalıdır.

Maraqlıdır ki, Rəşad Məcid təhqirə görə neçə şallaq vurulmasını göstərməyib.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]