Bizimlə əlaqə | Reklam
BolgeXeber.Com » Media » Əvəz Zeynallının evi müsadirə olunur

Əvəz Zeynallının evi müsadirə olunur

11-05-2011, 17:55
Oxunub: 5 153
“Xural “ qəzetinin baş redaktoruna Ədliyyə Nazirliyinin Nərimanov rayon məhkəmə icraçılarından xəbərdarlıq gəlib.

Bunu Bolgexeber.com-a açıqlamasında adıçəkilən qəzetin redaktoru Əvəz Zeynalı deyib. Onun sözlərinə görə, Prezident Administrasiyasının rəhbəri Ramiz Mehdiyevlə olan məhkəmə çəkişməsinə görə ona təzyiqlər gəlir. Belə ki, baş redaktor dünən Ədliyyə Nazirliyinin Nərimanov rayon məhkəmə icraçılarından xəbərdarlıq aldığını deyib. O, bildirib ki, hazırda yaşadığı ünvan araşdırılır: “Mənim adıma olan hər şey əlimdən almaq istəyirlər. Yaşadığım ev isə qayınatamın adınadır. Pul ödənilmədiyi üçün bizə təzyiqlər gəlir. Ancaq biz bu iddialara etiraz etmirik. Sadəcə cərimənin hissə-hissə ödənilməsini istəyirik”.

Qeyd edək ki, Nərimanov rayon məhkəməsi R. Mehdiyevin iddiasına baxaraq “Xural” qəzetini 10 min manat cərimələyib. Proses Ali Məhkəmədə davam etdirilib. Bu qərar fevral ayından qüvvəyə minib.

Məlumat üçün deyək ki, qəzeti bundan başqa Prezident yanında KİV-ə Dəstək Fondunun icraçı direktoru Vüqar Səfərli də məhkəmədə iddia qaldırıb. O qəzetdə şərəf və ləyaqətinin təhqir olunduğunu iddia edib və buna görə, 10 min manat təzminat tələb edib, eləcə də qəzetin ondan rəsmən üzr istəməsini istəyib. Həmçinin “Xural” qəzetini “Yeni Müsavat”-ın baş redaktoru Rauf Arifoğlu da məhkəməyə verib. Baş redaktor “Xural” qəzetindən 25 min manat təzminat tələb etməklə yanaşı baş redaktor Əvəz Zeynallının həbsini istəyib. 2007-2008-ci ildə “Azərbaycan” Nəşriyyatının direktoru Ağabəy Əsgərovla məhkəmə çəkişməsi olub və onu məhkəmədə cərimələyiblər. Həmçinin müğənni Nüşabə Ələsgərliyə də ödənilməmiş cərimələr var.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]