“Riyad-Farm” çökdü: 2414 nəfər işsiz qalır
21-05-2015, 11:11
Oxunub: 5 628
Səhiyyə Nazirliyi “Riyad-Farm” MMC-yə verilmiş lisenziyanı geri almayıb. Şirkət ona məxsus aptekləri öz istəyi ilə bağlayırBunu virtualaz.org saytına Səhiyyə Nazirliyindən bildiriblər. Nazirlikdən qeyd ediblər ki, nazirlik tərəfindən “Riyad-Farm”MMC ilə bağlı araşdırma aparmayıb.
Qeyd edək ki, “Riyad-Farm” MMC mayın əvvəlindən Bakıda və bölgələrdəki apteklərinin fəaliyyətini dayandırır.
Şirkətə məxsus apteklərdən virtualaz.org saytına bildiriblər ki, apteklərin bağlanmasına səbəb şirkətin müflüsləşməsidir. Belə ki, martın əvvəlindən dərman qıtlığı yaranıb: “Sifariş verilən dərmanların gətirilməsində problemlər yaranmışdı. Satıcıların isə mart, aprel aylarının maaşları verilməyib. Bəzi apteklərdə çalışanlar 3 aylıq əməkhaqqını ala bilməyib. Lakin işçilərdən əlaqə nömrələri götürülüb, problem həll olunandan sonra maaşların ödəniləcəyinə söz verilib. Aptek və bazadakı yerdə qalan dərmanlar dəyər-dəyməzinə satışa çıxarılacaq”.
Onu da qeyd edək ki, “Riyad-Farm” əczaçılıq şirkətinin sahibi Həsən Şərifov və şirkətin icraçı direktoru Aqil Quliyev hüquq-mühafizə orqanları tərəfindən saxlanılıb. Şirkətin Beynəlxalq Banka 200 milyon dollar borcu olduğu haqqında məlumat yayılıb.
“Riyad-Farm” son günlərə kimi əczaçılıq bazarında qabaqcıl distribütorlardan biri olub. Şirkət beynəlxalq əczaçı şirkətləri ilə bağladığı birbaşa müqavilələr əsasında dərman vasitələrini Azərbaycan bazarına gətirən ən böyük idxalçılardan biridir.
“Riyad-farm” 1998-ci ilin mart ayında təsis edilib. Şirkətin Bakı, Sumqayıt, Mingəçevir, Gəncə, Lənkəran, Şirvan, Quba, Cəlilabad və Biləsuvarda 20-dən çox filialı və 40 aptekdən ibarət şəbəkəsi fəaliyyət göstərib. Bundan əlavə, “Riyad-Farm” tərəfindən gətirilən 5000-ə yaxın dərman preparatı və tibbi ləvazimatları apteklərə paylanıb. Şirkətin 2414 nəfər işçisi olub.
BOLGEXEBER.COM
Çox Oxunanlar
- 7-06-2025, 17:45 : Türkiyədə güclü meşə yanğını olub
Dünya / Xəbərlər - 21-06-2025, 17:51 : İran təcili çağırış etdi
Dünya / Xəbərlər - 11-06-2025, 17:31 : Boksçumuz doğum günündə uğur qazandı
İdman / Xəbərlər - 28-06-2025, 18:23 : Azərbaycan Pakistana başsağlığı verdi
Siyasət / Xəbərlər - 7-06-2025, 15:38 : Məşhur futbolçu "İnter" də- Rəsmi
İdman / Xəbərlər - 9-06-2025, 14:55 : Yasda ehsan verilməsi ləğv olundu
Sosial / Bölgə / Xəbərlər - 9-06-2025, 14:14 : Ən yaxşı futbolçu titulunu o qazandı
İdman / Xəbərlər - 9-06-2025, 10:25 : UEFA Millətlər Liqasının qalibi müəyyənləşib
İdman / Xəbərlər - 11-06-2025, 11:10 : "Qarabağ" 5 pillə gerilədi
İdman / Xəbərlər - 14-06-2025, 15:37 : Rayon rəhbəri yekun attestasiya imtahanında yüksək bal toplayan məzunları təltif edib
Bölgə / Xəbərlər
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!
Azərbaycan Respublikası, Bakı şəhəri
(+99470) 600 50 01
(+99450) 229 29 20
(+994 70) 734 50 00
