BolgeXeber.Com » Xəbərlər » “Tarixi Abidələrimizi Tanıyaq və Tanıdaq” devizxi altında tədbir-Bərdədə

“Tarixi Abidələrimizi Tanıyaq və Tanıdaq” devizxi altında tədbir-Bərdədə

19-04-2016, 11:48

Oxunub: 4 839

Tədbir ilk öncə 4 nömrəli uşaq incəsənət məktəbinin rəsm dərnəyi üzvlərinin açıq havada çəkdikləri rəsm əsərlərinin sərgisi ilə başladı

Hər bir xalq öz tarixi keçmişi ilə tanınır. Tarixi vərəqlədikcə xalqımızın necə bir ulu xalq olduğunu görüb fərəhlənir, mədəniyyətimizin çox böyük dövrləri əhatə etdiyinin şahidi oluruq. Qürur hissi ilə qeyd etməliyik ki, dünyanın nəhəng ölkələri ilə müqayisədə ərazimiz nə qədər kiçik olsada zəngin mədəniyyətimiz daim diqqət mərkəzində olmuşdur.
Azərbaycanın ilkin yaşayış yerlərindən, qədim mədəniyyət mərkəzlərindən biri də tarixin özü qədər qocaman Bərdəmizdir. O Bərdəmiz ki, 500 il ölkənin baş şəhəri, paytaxtı olmuşdur. O Bərdəmiz ki, adı şərqin ulu və möhtəşəm şəhərləri ilə bir sırada çəkilərək Reylə, Bağdadla müqaisə olunmuşdur.

Dəfələrlə yadellilərin hücumlarına məruz qalmasına baxmayaraq Bərdəmizin tarixi, mədəniyyət abidələri bu günümüzə qədər gəlib çatmışdır.

Babalarımızdan bizə miras qalan bu tarixi abidələri, dünənimizdən bu günümüzə işıq salan bu sənət incilərini qoruyub saxlamaq, yaşatmaq və gələcək nəsillərə çatdırmaq bizim hər birimizin vətəndaşlıq borcumuzdur. Bütün bunları nəzərə alaraq Bərdə şəhərində 18 aprel tarixində “Beynəlxalq Abidələr və Tarixi Yerlər”günü münasibətilə Bərdə rayon Mədəniyyət və Turizm şöbəsi silsilə tədbirlər keçirmişdirki, həmən tədbirlərdən biri Bərdə türbəsinin ətrafında baş tutdu. Tədbir “Tarixi Abidələrimizi Tanıyaq və Tanıdaq” devizxi altında keçirildi. Tədbir ilk öncə 4 nömrəli uşaq incəsənət məktəbinin rəsm dərnəyi üzvlərinin açıq havada çəkdikləri rəsm əsərlərinin sərgisi ilə başladı. Tədbirdə çıxış edən Bərdə rayon Mədəniyyət və Turizm şöbəsinin məsləhətçisi Validə Nabatova Bərdə rayonunda olan tarixi abidələr haqqında ətraflı məlumat verib Azərbaycan Respublikası Prezidenti İlham Əliyevin diqqəti və qayğısı nəticəsində Bərdə türbəsinin yenidən bərpa olunmasından, 2015-ci ilin mart ayında Prezidentimizin Bərdəyə səfəri zamanı türbədə olaraq təmir prosesi ilə yaxından tanış olmasını bildirdi. Daha sonra çıxış edən Bərdə Turizm İnformasiya mərkəzinin direktoru Hikmət Heydərov rayonda və regionda yerləşən zəngin tarixi abidələrin turizm potensialının inkişafındada danılmaz rolu olduğunu qeyd etdi. Bərdə Rəsm Qalareyasının direktoru Səbuhi Qasımov isə Heydər Əliyev fondunun, UNESCO və İSESCO -nun Xoşməramlı Səfiri Mehriban xanım Əliyevanın mədəniyyətimizin dünyada tanıdılması haqqında məruzə ilə çıxış etdi. Tarixi abidələrin mühafizəsi fondunun işçisi Aynur İsmayılova isə keçmişimizi unutmamağa və təbliğ etməyə səslədi. Tədbir sonda konsert proqramı ilə davam etdi.
Bolgexeber.com

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]