Bizimlə əlaqə | Reklam
BolgeXeber.Com » Xəbərlər » “Sovetski”də məscidin sökülmə işləri dayandırıldı

“Sovetski”də məscidin sökülmə işləri dayandırıldı

1-06-2016, 18:05
Oxunub: 4 218 “Sovetski”də məscidin sökülmə işləri dayandırıldıAzərbaycan Mədəniyyət və Turizm Nazirliyi Mustafa Sübhi küçəsi, 63 ünvanında yerləşən qədim məscidin sökülmə işlərini daytandırıb

Bolgexeber.com bildirir ki,bu barədə virtualaz.org-a nazirliyin Abidələrin mühafizəsi və inkişafı Dövlət Xidmətinin rəisi Zakir Sultanov bildirib.

“Bu məscidin sökülməsi ilə bağlı məlumatı əldə edən kimi mütəxəssislərimiz hadisə yerinə yollandı və Bakı Şəhər İcra Hakimiyyətinin müvafiq strukturları ilə danışıqlardan sonra bu binanın sökülmə işləri dayandırıldı”, - o deyib.

Zakir Sultanovun sözlərinə əsasən, 1908-ci ildə tikilmiş Hacı Əbdülrəhimbəy məscidi səhvən reyestrə yaşayış evi kimi daxil edilib. Bu il Mədəniyyət və Turizm Nazirliyinin təqdimatı üzrə bina məscid kimi tarixi-mədəni əhəmiyyət kəsb edən və mühafizə edilən obyektlər siyahısına daxil edilmişdi.

Xatırladaq ki. bu günlərdə virtualaz.org “Sovetski”də aparılan söküntü işləri ilə bağlı bir neçə yazı dərc edib. Həmçinin sosial şəbəkələrdə şəhərin tarixi simasının qorunub saxlanılması məqsədilə imza toplanması aksiyası keçirilir ki, bunu artıq ölkənin bir sıra ictimai xadimi dəstəkləyib.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]