BolgeXeber.Com » Xəbərlər » Atası dövlət məmuru olan gənc “avtoş”dan nə xəbər var?

Atası dövlət məmuru olan gənc “avtoş”dan nə xəbər var?

1-06-2016, 19:32

Oxunub: 2 539 Atası dövlət məmuru olan gənc “avtoş”dan nə xəbər var?

Mayın 19-da axşam saatlarında Bakı küçələrində “KIA” markalı avtomobillə “avtoş”luq edən və nəticədə 20-yə yaxın polisin güclə zərərsizləşdirdikləri 23 yaşlı tələbə Nicat Abdullayev gündəmdən düşmür

Hər keçən gün onun barəsindəki iddiaların sayı artmaqdadır.

Mayın 20-də Nərimanov Rayon Məhkəməsinin qərarı ilə 20 sutka inzibati həbs cəzası alan N. Abdullayevin bu qədər də gündəmdə qalmasına əsas səbəb onun məmur oğlu olması ilə bağlı gəzən söz-söhbətlərdir. Onun Xarici İşlər Nazirliyinin Turizm şöbəsinin rəisi Nurpaşa Abdullayevin oğlu olduğu deyilir. Maraqlıdır ki, nazirlik indiyə qədər səslənən ittihamlarla bağlı bir açıqlama belə verməyib. Oğlunun qanun pozuntusu ilə gündəmə gələn atanın 3-cü mikrorayon bazarının sahiblərindən biri olduğu da üzə çıxıb. Bu isə onun vəzifəsindən uzaqlaşdırılacağı şayiələrini gündəmə gətirib.

XİN-in bu məsələdəki susqunluğuna son qoymaq üçün qurumun mətbuat xidməti ilə əlaqə saxladıq. Mətbuat katibi Hikmət Hacıyev ittihamlara belə cavab verdi: “Bizdə elə bir məlumat yoxdur. Bununla əlaqədar Dövlət Yol Polisinə müraciət etməyinizi xahiş edirəm. Hər bir şəxs yol hərəkət qaydalarını pozursa, onun bununla bağlı məsuliyyəti var. Bu barədə Dövlət Yol Polisi də açıqlama verib”.

Qeyd edək ki, gənc “avtoş”un bu ilk həbsi deyil. Ərköyün böyüdüldüyü deyilən Abdullayev indiyə qədər üç dəfə məhkəməyə cəlb olunub.

Çox Oxunanlar