BolgeXeber.Com » Xəbərlər » Lənkəranda dezinfeksiya işləri daha da gücləndirilib-FOTOLAR

Lənkəranda dezinfeksiya işləri daha da gücləndirilib-FOTOLAR

28-05-2020, 09:04

Oxunub: 2 608

Nazirlər Kabineti yanında Operativ Qərargahın pandemiya təhlükəsi ilə əlaqədar Bakı, Sumqayıt, Gəncə və Lənkəran şəhərlərində karantin müddətini mayın 31-ə qədər uzatması ilə bağlı qəbul etdiyi qərardan sonra Lənkəran şəhərində təmizlik-dezinfeksiya tədbirlərinə və karantin rejiminin tələblərinə əhali tərəfindən riayət olunmasına diqqət daha da artırılıb.

Daxili İşlər Nazirliyinin Daxili Qoşunlarının xüsusi texnikaları vasitəsilə şəhərin 35 prospekt və küçələrinin habelə koronavirus epidemiyasının yayıldığı ehtimal edilən 3 kənddə :
Şağlaser, Şilavar və Digah kəndlərinin yolları şəhər icra hakimiyyətinin şəhər təsərrüfatına aid xidmət təşkilatlarının və eləcə də Gigiyena Və Epidemiologiya Mərkəzinin Lənkəran şöbəsinin texniki avadanlıqları ilə park və meydanlar, çoxmənzilli yaşayış binalarının həyətləri , binaların girişləri , liftləri xüsusi dərman preparatları ilə yuyularaq növbəti dəfə dezinfeksiya olunub.

Lənkəran İcra başçısı Taleh Qaraşov tez-tez əhali arasında çəxsən maarifləndirmə işləri aparır və karantin dövründə sakinlərə öz tövsiyyələrini verir.

Bolgexeber.com-un məlumatına görə mayın 31-ə qədər rayonun bütün yaşayış məntəqələrində mütəmadi olaraq dezinfeksiya işləri və karantin-sanitariya qaydalarının əhali arasında geniş təbliği ilə bağlı izahat işləri davam etdiriləcəkdir. Hazırda Lənkəranda koronavirusla bağlı vəziyyət nəzarət altındadır.

Çox Oxunanlar