Bizimlə əlaqə | Reklam
BolgeXeber.Com » Bölgə » Bakıda oğurluqda ad çıxarmış gənc qız həbs edilib

Bakıda oğurluqda ad çıxarmış gənc qız həbs edilib

22-11-2011, 14:35
Oxunub: 6 519 Hadisə Nizami rayonunda baş verib

Bakının Nizami rayonunda oğurluqda ad çıxarmış gənc qız həbs edildi. Bakı şəhər Baş polis İdarəsindən milli.az-a verilən məlumata görə, həmin şəxs 21 yaşlı Aytəkin Rəcəbovadır. Cinayət Məcəlləsinin oğurluq (177-ci) maddəsi ilə axtarışda olan A.Rəcəbovanı Nizami rayon Polis İdarəsinin 25-ci polis bölməsinin əməkdaşları ötən gün tutublar. A.Rəcəbova gənc olsa da, oğurluq sahəsində kifayət qədər “təcrübə”yə malikdir. Əslən Şamaxı rayonundan olan A.Rəcəbova oğurluğu özünə peşə seçib.

A.Rəcəbova ilk cinayətini yeniyetmə olan zaman törədib. O, Şamaxı rayonunda yaşayan zaman qonşusunun mənzilindən oğurluq etdiyinə görə tutulub. Məhkəmə onun yeniyetmə olmasını nəzərə alaraq, icbari iş verib. A.Rəcəbova məhkəmənin humanist qərarından dərs götürməyərək yenidən əliəyrilik edib. O, 2011-ci ilin əvvəlində Qara Qarayev prospektində yerləşən gözəllik salonuna özünü gözəlləşdirmək adı ilə daxil olaraq saç ustasının telefonunu oğurlayıb.

Aprel ayında tutularaq istintaqa təhvil verilsə də, sonradan qaçıb gizlənib. Bölmə əməkdaşları onu dünən tutaraq yenidən istintaq orqanına veriblər.

Qeyd edək ki, fakt üzrə araşdırma aparılır.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]