BolgeXeber.Com » Bölgə » İcra başçısının başqan problemi

İcra başçısının başqan problemi

11-05-2013, 09:15

Oxunub: 5 403

Mahmud Quliyev yeni kampaniya başladıb

Bir müddət əvvəl Müsavat başqanı İsa Qəmbəri Cəbrayıl rayonundan olan seçicilərlə görüşəcəyi təqdirdə döyülməklə hədələyən sözügedən rayonun icra başçısı Mahmud Quliyev çox ciddi problemlər yaşayır. Bu barədə hökumət içindəki qaynaqlar xəbər verib.

Bildirək ki, Mahmud Quliyev İsa Qəmbəri döydürəcəyini rəsmən açıqlamışdı. Amma sonradan məlum oldu ki, icra başçısı heç nə edə bilməyib və İsa Qəmbər rahatlıqla Cəbrayıl sakinləri ilə görüşüb. Görünür, Mahmud Quliyev Müsavat başqanının Lənkəran səfəri zamanı baş verən insidentdən ruhlanıbmış.

Amma bu ruhlanması ona baha başa oturub. Məlumatlı mənbə DİA.AZ-a bildirib ki, məsələ ilə əlaqədar «yuxarılar» tərəfindən ciddi şəkildə danlanılan Mahmud Quliyevə vəziyyəti düzəltməsi qəti şəkildə tapşırılıb: «Buna görə də Mahmud Quliyev Müsavat partiyasının üzvü olan Cəbrayıl sakinlərinin siyahısının tərtib olunması üçün RİH işçilərinə tapşırıq verib. Bununla yetinməyən icra başçısı guya ki, öz aləmində vəziyyəti düzəltməyə də çalışıb. Ayrı-ayrı müxalifət və müstəqil mövqeli qəzetlərə özünün İsa Qəmbərin əleyhinə olan hazır müsahibəsini də göndərib».

Təbii ki, icra başçısının bu müsahibəsini heç bir mətbu nəşr dərc etməyib. Və bu da başçının davam edən «başqan problemi»ndən hələ çox çəkəcəyini anons etməkdədir.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]