Bizimlə əlaqə | Reklam
BolgeXeber.Com » Bölgə » Polis rəisinin geyimi Vasif Talıbovu qəzəbləndirib

Polis rəisinin geyimi Vasif Talıbovu qəzəbləndirib

19-08-2013, 09:00
Oxunub: 4 686 Dövlət idarələrində çalışan xanımlara isə qısa ətəkli geyim qadağası qoyulacaq
Bir neçə gün əvvəl mətbuatda Naxçıvan Muxtar Respublikası Ali Məclisinin sədri Vasif Talıbovun dövlət idarələrində çalışan şəxslərə qısaqol geyimi qadağan etməsi haqda məlumat yayılmışdı. Vasif Talıbovun dövlət idarələrində çalışan şəxslərə qısaqol geyimi qadağan etməsinin ilginc səbəbi və təfərrüatları bəlli olub. Virtualaz.org saytına bu barədə Naxçıvandakı mənbələr bilgi veriblər.
Qaynağın verdiyi məlumata görə, Naxçıvan “xan”ının bu qeyri-adi addımına səbəb Ordubad rayonundakı idarələrin birində keçirilən iclasda iştirak edən Ordubad Rayon Polis Şöbəsinin rəisi Həsən Məmmədovun geyimi olub.
H.Məmmədov iclasda nə rəsmi geyimdə, nə də polis formasında iştirak etmirmiş. O, idman üslubunda qısaqol köynək və cins şalvar geyinibmiş.
Mənbə deyir ki, Naxçıvan TV-də (NTV) xəbərlər bülletenində iclasdan çəkilmiş kadrlar efirə verilib. Bu kadrları izləyən Vasif Talıbov polis rəisinin bu cür geyinməyinə bərk qəzəblənib və polis rəisini cəzalandırmaq qərarı verib. Nəticədə Həsən Məmmədov vəzifəsindən uzaqlaşdırılıb.
Bununla da kifayətlənməyən Ali Məclis sədri bundan sonra dövlət idarələrində çalışan kişi işçilərin uzunqol köynək və ciddi şəkildə geyinmələrini tələb edib.
Mənbə onu da bildirir ki, yaxın günlərdə dövlət idarələrində çalışan xanımlara isə qısa ətək geyim qadağası qoyulacaq.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]