Bizimlə əlaqə | Reklam
BolgeXeber.Com » Bölgə » Dünənki mitinq iştirakçılarının sayı açıqlandı

Dünənki mitinq iştirakçılarının sayı açıqlandı

19-08-2013, 11:50
Oxunub: 5 927 "Bütün bu maneələri nəzərə alsaq, 10000 adam mitinqdə iştirak etdi”.

Mən deməzdim ki, mitinqə az adam gəlmişdi. Hər halda polislərin basqısı, havanın istiliyi, təyin olunan yerin narahatçılığı adamların gəlişinə təsir etdi.

Bu sözləri “Qafqazinfo”ya açıqlamasında Milli Şuranın üzvü Eldəniz Quliyev mitinqə gözləniləndən az adam gəlməsi məsələsinə münasibət bildirərkən deyib.

Eldəniz Quliyev hesab edir ki, bunları nəzərə alsaq, hələ kifayət qədər adam gəlmişdi : “Hakimiyyətin əvvəlcədən mitinqlər üçün qadağası var. Bundan əvvəl “Əsgər ölümlərinə son” aksiyasında mitinqə gələnləri həbs etmişdilər. Ona görə də insanlarda bir xof var idi. Amma hər halda 6000-8000 arası adam mitinqə toplaşmışdı”

Eldəniz Quliyev bildirib ki, Milli Şura növbəti mitinqlər də keçirəcək: “İlk dəfədir ki, demokratik düşərgə bir araya gəlib. Ona görə də bu birliklə növbəti aksiyaların da baş tutacağı gözləniləndi”

Milli Şuranın Mitinq Komitəsinin rəhbəri Asəf Quliyev də məsələ ilə bağlı “Qafqazinfo”ya açıqlamasında deyib ki, mitinqdən qabaq kütləvi həbslər başlayıb: “Bunlar da mitinqin qarşısını almaq üçün atılan addımlar idi. Mitinqdən qabaq Respublika Prokurorluğunun mətbuata açıqlaması da oldu. Xəzər rayonundan, Sumqayıt şəhərindən Müsavat, AXCP, KXCP üzvlərini şəhərə buraxmayıblar. Bütün bu maneələri nəzərə alsaq, 10000 adam mitinqdə iştirak etdi”.

Asəf Quliyev qeyd edib ki, bugünkü sessiyada növbəti mitinqlərin keçirilməsi məsələsi müzakirə olunacaq: “ Vaxtı da yəqin ki bu gün müzakirə olunandan sonra dəqiqləşəcək”.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]