Bizimlə əlaqə | Reklam
BolgeXeber.Com » Bölgə » İcra hakimiyyəti Gədəbəyin torpaqlarını satıb

İcra hakimiyyəti Gədəbəyin torpaqlarını satıb

22-08-2013, 10:00
Oxunub: 4 745 Rayon sakini: «Mal-heyvanı otarmağa yer tapmırıq»

Gədəbəy sakini Sərxan Babayev mal-qara otarmağa yer tapmır. Deyir, rayonda mal-qara ilə məşğul olmaqdan başqa əhalinin heç bir məşğulluğu yoxdur. Ancaq indi mal-qaranın otlaması üçün otlaq tapa bilmirlər. Bir zamanlar elin yaylağı olan ərazilər başqa adamlara satılıb: “100-dən artıq qoyunum, 30 inəyim var. Ancaq otarmağa yer tapmıram. Otlaqlara yaxın gedən kimi hərə bir kağız çıxarır, ata-baba yaylaqlarımızda mal-heyvan otarmağa imkan vermirlər. Hərə əlinə bir kağız alıb deyir ki, buranı icra hakimiyyətindən satın almışam. Yaylaqlara gedənlərdən pul istəyirlər”.

Hansı torpaqları satmaq qadağandır?

Nazirlər Kabinetinin sərəncamına görə, hər bir rayonda vətəndaşların ümumi istifadəsi üçün torpaq sahələri olmalıdır. Xüsusən əhali daha çox heyvandarlıqla məşğul olan rayonlarda. Bundan başqa, göllərə, çaylara və bir sıra qorunan ərazilərə bitişik torpaqların satılması qadağandır. Gədəbəy rayon İcra Hakimiyyətindən isə bildiriblər ki, örüş sahələrini fiziki şəxslər satın ala bilərlər. Nazirlər Kabinetinin sahibkarlığın inkişaf etdirilməsi ilə bağlı qərarına əsasən, mal-qaranın baş sayına görə insanlara örüş sahələrindən ərazi satılır. Ən çox malı-qoyunu olanlara satılır.

“Sosial yardım vermirlər ki...”

İcra hakimiyyətinin nümayəndəsi bildirir ki, vətəndaşlara mal-qaralarını otarmaq üçün ayrıca sahələr də ayrılıb. Sərxan Babayev isə bunu təkzib edir. Deyir, rayonda pulsuz örüş sahəsi qalmayıb. Satılmış örüş sahələrinə qoyun buraxmaq üçün örüş sahibi mal-qara sahiblərindən hər ay 200 manat verməsini tələb edir: “Bir az səsini çıxaranı da şərləyib tutdurmaqla hədələyirlər. sosial yardım vermirlər ki, mal-qaran, pay torpağın, bir sözlə, gəlir yerin var, sənə yardım düşmür. Ancaq bunların olmasının nə faydası? Su yoxdur, texnika tapmırıq deyə, pay torpaqlarını əkib-biçə bilmirik. Yaylaq yoxdur deyə, mal-qaramızı şəhərdən gələn ət alverçilərinə dəyər-dəyməzinə satmalı oluruq”.

Nicat
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]