Bizimlə əlaqə | Reklam
BolgeXeber.Com » Bölgə » Lənkəranın Təhsil Şöbəsinin müdiri icra hakimi müavini vəzifəsinə keçir?

Lənkəranın Təhsil Şöbəsinin müdiri icra hakimi müavini vəzifəsinə keçir?

22-08-2013, 16:10
Oxunub: 5 838 Səmədağa Abdullayev Şahanə Əhmədovanı icra başçısının müavini gətirmək istəyir, regional idarədə isə kağız da pulla satılır

Ötən günlərdə Miqrasiya Xidmətinin Lənkəran Regional İdarəsinin rəisi Səmədağa Abdullayevlə bağlı məqalə yayımlamışdıq. Bunun ardından həmin yazıya maraqlı şərhlər gəlib. Həmin şərhləri təsnifləşdirməklə yanaşı, onların içindəki diqqət çəkən məlumatları da dəyərləndirərək oxucuları ilə paylaşmaq qərarına gəldik.

Həmin məlumatlarda deyilir ki, bir zamanlar Lənkəran İcra Hakimiyyəti başçısının təhsil məsələləri üzrə müavini işləyən bu şəxs rayonda təhsilin məhvinə imza ata biləcək səviyyədə qərarlar qəbul edib. Onunla bərabər işləmiş şəxslərin iddiasına görə, Abdullayev rayonda imkanlı adamların siyahısına sahib olan az sayda məmurlardan sayılır. Çünki o, əlindəki həmin varlıların siyahısı ilə hərəkət edərək, onların yaxınlarına yol tapıb bəzilərinə məktəb direktoru və ya bağça müdirəsi vəzifələri satırmış.

Daha sonra qeyd olunur ki, Səmədağa Abdullayev bağça müdirələrindən birinə jest olaraq «Əməkdar müəllim» adı verdirməklə, onu tam öz adamına çevirib. Ardından isə həddindən ziyadə yaxşı münasibətləri olan Şahanə Əhmədovanı Lənkəran təhsil şöbəsinə müdirə gətirdirməyi bacarıb. Hal hazırda da «Əməkdar müəllim»lə şöbə müdiri rayonda «atamanlıq» edir deyən mənbələr vurğulayırlar ki, bu iki qadının qarşısını almaq mümkün deyil.

Məlumatları verənlər yazırla ki, Şahanə Əhmədova bir xeyli müddət Lənkəran məktəblərində dərs deyib. Kimya ixtisası üzrə dərs deyən bu xanım müəllimənin indiyə qədər kütlənin nə olduğu barədə bilmədiyi iddia edilir. Elə Səmədağa Abdullayev haqqında da belə bir məlumat var ki, o, 4-cü sinif misallarını belə həll edə bilmir.

İşin ilginc tərəflərindən biri odur ki, rayonda əksər şayələrin yayılmasının təşkilatçısı olan bu şəxslər eyni zamanda gələcək planlara da malikdirlər. JAM.AZ-a gələn məktublarda vurğulanır ki, Səmədağa Abdullayevin ən böyük arzusu Şahanə Əhmədovanı icra başçısının müavini görməkdir. Bunun üçün 3 ildir çalışan Abdullayev artıq Lənkəranın icra başçısı Taleh Qaraşovla da üz-üzə gəlib. İstəyini reallaşdıra bilməyən bu şəxs bütün mümkün vasitələrdən istifadə edərək, Qaraşovu sıradan çıxarmaq istəyir. Bunun üçün hətta Prezident Aparatındakı adamlarının imkanlarından da yararlanmaq fikrindədir.

Bu əsnada onun Miqrasiya Xidmətinin Regional İdarəsində çıxdığı hoqqalar barəsində də maraqlı məlumatlar var. Həmin məlumatlara görə, regional idarədə miqrantlar pul verməsələr işləri həll olmur. Üstəlik, pulu almaq üçün xeyli sayda xərc yerləri açıblar. Məsələn, Miqrasiya Xidmətinin sözügedən idarəsində kağız, qələmdən istifadə, blankların doldurulması və ağıla gələn və gəlməyən bütün işlərə görə pul tələb olunur.
Bolgexeber.com
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]