BolgeXeber.Com » Bölgə » Elmar Vəliyevin yerinə kim gətirələcək?

Elmar Vəliyevin yerinə kim gətirələcək?

18-01-2014, 09:55

Oxunub: 4 313

«Gəncə şəhər icra hakimiyyətinin başçısı Elmar Vəliyev yaxın günlərdən vəzifəsindən kənarlaşdırılacaq. Buna səbəb onun Prezidentin etimadını doğrultmamasıdır»

Bu barədə Gəncədəki etibarlı mənbə məlumat verib. Qaynağın bilgisinə görə, E.Vəliyev təyinatından sonra ölkənin ikinci şəhərinin abadlaşdırılması kampaniyasına başlasa da prosesi hakimiyyətin əleyhinə böyük narazılıq dalğasına çevirib. Şəhərdə aparılan kütləvi söküntülər yerli əhalinin qəzəbinə səbəb olub. Bunu Gəncədən hər gün Prezident Administrasiyasına edilən yüzlərlə şikayət məktubları da təsdiq edir.Gəncə şəhər Polis İdarəsinin sabiq rəisi, general Rasim Musayevin qalmaqallı istefasından sonra icra başçısı Elmar Vəliyev hədəfə gəlmişdi. Xatırladaq ki, mətbuatda polis rəisi ilə icra başçısının əlbəyaxa dava etməsi barədə məlumatlar yayılmışdı. Prezidentin icra başçılarının müşavirəsində danlamasından təsirlənib huşunu itirən icra başçısı bir neçə gün Bakıdakı klinikalarda müalicə almışdı.
Mənbənin məlumatına görə bir neçə il ərzində dövlət büdcəsindən və Prezidentin Ehtiyyat Fondundan Gəncənin abadlaşdırılmasına ayrılan vəsaitlər təyinatı üzrə israf olunmayıb. Nəticədə şəhərin sökülərək dağıdılan küçələrinin böyük bir hissəsini təmir etmək, yenidən qurmaq mümkün olmayıb. Seçki ərəfəsində Gəncədə yeni obyektlərin, müəssisələrin, parkların açılışı planlaşdırılsa da işlərin qrafik üzrə getməməsi səbəbindən tədbirlər baş tutmayıb. Nəticədə Prezident Qərb bölgəsində səfərdə olsa da Gəncəyə baş çəkməyib.

Qaynağın məlumatına görə ilin sonunda Gəncədə Prezident Administrasiyasının şöbə müdiri Fuad Ələsgərovun iştirakı ilə ASAN Xidmət Mərkəzinin, «Qaçkınkom» sədri Əli Həsənovun iştirakı ilə 25 binadan ibarət qaçqın şəhərciyinin, nəqliyyat naziri Ziya Məmmədovun iştirakı ilə Dəmir Yol Vağzalının açılışı həyata keçrilib. Bundan başqa Ziya Məmədov yeni dəmiryol deposunun təməlqoyma mərasiminə qatılıb, Heydər Əliyev adına böyük istirahət parkının, iki orta məktəbin və istehsalat obyektlərinin açılışı da müvafiq qurum nümayəndələrinin iştirakı ilə həyata keçrilib. Mənbə xatırladır ki, adıçəkilən tədbirlərin hamısı Prezident İlham Əliyevin iştirakı ilə keçrilməli idi, amma məlum səbəbdən mümkün olmadı. Sonradan dövlət başçısının açılış mərasimlərinə qatılmaq istəməyib. Gəncədə Prezidentin bu addımını Elmar Vəliyevin karyerasının sonu kimi qiymətləndirirlər.

Qaynaq daha sonra bildirib ki, Elmar Vəliyevin Gəncədəki yerli istehsalat obyektlərinə, xüsusən tkinti matierialları istehsal edən müəssisələrə külli miqdarda borcu var. İcra başçısı yerli sahibkarlardan məhsulların alınmasına göstəriş verib. Gərəkən vəsaitin dövlət büdcəsindən ayrıldıqdan sonra ödənəcəyini vəd edib. Amma ölkənin ikinci şəhəri üçün büdcədən və Prezident fondundan əlavə vəsait ayrılmayıb. Nəticədə sabikarlarla icra başçısı arasında gərginlik kuluminasiya həddinə çatıb. İcra başçısı şəhər ətrafındakı torpaq fondunun satılması barədə göstəriş verib. Ev tkintisi üçün nəzərdə tutulan torpaq paylarının 4 sotu 5-8 min manatdan təklif olunur. Toplanan vəsaitin borcunu tələb edən sahibkarlara ödənəcəyi bildirilir.

Mənbə ötən ayın sonunda Gəncə dövlət Universitetinin rektoru Yadigar Əliyevin 1 illik fəaliyyətindən sonra istefaya göndərilməsini də təsadüfi hesab etmir. Onu bu posta E.Vəliyevin təyin etdiyi, universitetə bütünlüklə icra başçısının nəzarət etdiyi bildirilirdi. «İcra başçısının «adamanın» vəzifəsindən götürülməsi onun «vurulacağına» işarə idi»-deyə məlumatlı mənbə vurğulayıb.

Məlumatda daha sonra bildirilir ki, Elmar Vəliyeva hazırda məzuniyyətdədir. Onun geri qaytmayacağı barədə Gəncə ictimaiyyətində birmənalı fikir formalaşıb.

Bizimxeber.az

Çox Oxunanlar