Bizimlə əlaqə | Reklam
BolgeXeber.Com » Bölgə » Masallı RİH-dən etiraz aksiyası ilə bağlı rəsmi açıqlama

Masallı RİH-dən etiraz aksiyası ilə bağlı rəsmi açıqlama

21-01-2014, 18:00
Oxunub: 4 339 Masallı haqda yenə dezinformasiya: yayılan məlumatların həqiqəti əks etdirmir

Bolgexeber.com bildirir ki, Masallı rayonunda bir qrup rayon sakinin etiraz aksiyası keçirməsi haqda məlumat yayılıb. Məlumatda deyilir ki, guya Şıxlar kəndinin bir qrup sakini Bakı-Astara şossesinin Masallıdan keçən hissəsini bağlayıb.
Bolgexeber.com məlumatı dəqiqləşdirmək üçün Masallı RİH ilə əalqə saxlayıb.
Masallı RİH başçısının müavini, ictimai-siyasi və humanitar məsələlər şöbəsinin müdiri Nəsir Muxtarlı açıqlamasında aksiya ilə bağlı yayılan məlumatların həqiqəti əks etdirmədiyini bildirdi. O, aksiyanın səbəblərini də izah etdi: “Bir müddət əvvəl rayon sakinlərindən birinin evi yanmışdı. Onlar da 10-15 nəfər yaxın qohumları ilə birlikdə icra hakimiyyətinə şikayətə gəlmişdilər ki, bizim evimiz yanmayıb, kimlərsə tərəfindən yandırılıb. İcra hakimiyyətindən də onlara bildirildi ki, hadisə ilə bağlı rayon polis şöbəsində araşdırma aparılır. Daha sonra onlar da ərazidən uzaqlaşdılar”.
N.Muxtarlı fotolarda da göründüyü kimi əraziyə xeyli sayda insanının necə toplaşmasına da aydınlıq gətirdi: “Fotolardan da aydın olur ki, insanların toplaşdığı yer rayon avtovağzalının qarşısıdır. Şikayətə gələnlər həmin yerdə ola bilsin ki, ləngiyiblər, bir az səs-küy olub. İnsanlar da ora toplaşıb. İcra hakimiyyətinin buna heç bir aidiyyatı yoxdur”.


Bolgexeber.com
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]