BolgeXeber.Com » Sosial » Qurban bayramı heyvanların qiymətini artırdı

Qurban bayramı heyvanların qiymətini artırdı

14-11-2010, 19:25

Oxunub: 8 109

Gəncənin mal bazarında xırda buynuzlu heyvanların qiyməti qalxıb.

Alıcılar qiymətlərin artımından satıcılar isə müştərilərin azlığından şikayətlənir. Bayram öncəsi heyvan bazarlarında canlanma müşahidə olunsa da Gəncənin mal bazarında satan çox, alan azdır. Çünki əksər satıcılar bayramı fürsət bilib qiymətləri süni olaraq qaldırıblar. Alıcılar deyir ki, əvvəlki günlərlə müqayisədə qiymətlərdə xeyli fərq var. Alıcılar keçən həftə 80 manat olan quzunun indi 100 manata satıldığını bildirilər. Bütün bunlara rəğmən bayram öncəsi Gəncəyə ancaq yaxın rayonlar deyil, eləcə də uzaq bölgələrdən heyvan satmağa gələnlər var. Alış-veriş məkanında daha çox satılansa qoyun və quzulardır. Bəzi satıcılar bayramın gəlməsinə baxmayaraq, bazarı zəif qiymətləndirirlər. Səbəb isə əhalinin maddi durumunun o qədərdə yaxşı olmamsıdır. Qeyd edək ki, heyvan qiymətləri ilə bağlı analoji hal hər il müşahidə olunur. Təəssüf ki, bəzi işbazlar müqəddəs bayramı az vaxta çox pul qazanmaq üçün fürsət bilir.

Çox Oxunanlar