Bizimlə əlaqə | Reklam
BolgeXeber.Com » Sosial » Cəlilabadda xəstə gəncləri belə əsgər aparırlar - ŞİKAYƏT

Cəlilabadda xəstə gəncləri belə əsgər aparırlar - ŞİKAYƏT

23-08-2012, 00:45
Oxunub: 6 377
Ötən ay hərbi xidmətə aparılan Xəyal Cəfərovun atası haqsızlığa məruz qaldıqlarını deyir

Cəlilabad sakini Səmədağa Cəfərov Bolgexeber.com saytına müraciət edərək, 1993-cü il təvəllüdlü oğlu Xəyal Cəfərovun hərbi xidmətə yararsız olduğu halda, Hərbi Səfərbərlik və hərbi Xidmətə çağırış üzrə Dövlət xidmətinin Cəlilabad rayon idarəsində qanunsuzluğa yol verildiyini bildirib.

S.Cəfərov idarənin II Bölmə rəisi Müşfiq Səfərovu saxtakarlıqda ittiham edərək söyləyib ki, onun oğlu Xəyal burnunun hər iki tərəfində çəpər əyrliyi və eşitmə zəyifliyi olduğuna görə keçən ildən bu ilin iyul ayına kimi hərbi xidmətə çağırışdan saxlanılırdı. Lakin atanın sözlərinə görə, ötən ay Xəyalın yerinə başqa sağlam adamı rentgendən keçirərək, onun göstəricilərinə əsasən xəstə övladını əsgər aparıblar.

Səmədağa Cəfərov oğlunun hazırda Tovuzdakı N saylı HərbiHissədə xidmət keçdiyini və vəziyyətinin heç də yaxşı olmadığını deyir. Əsgər atası övladının yenidən müayinədən keçməsini və qanunsuzluğun araşdırılmasını tələb edir.
Qarşı tərəfin də mövqeyini dərc etməyə hazırıq.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]