Bizimlə əlaqə | Reklam
BolgeXeber.Com » Sosial » ASİM-DER həmyerlilərimizi mükafatlandırdı

ASİM-DER həmyerlilərimizi mükafatlandırdı

20-09-2012, 17:50
Oxunub: 5 463 Beynəlxalq Diaspor Mərkəzinin (BDM) dəvətilə Azərbaycanda səfərdə olan ASİM-DER başqanı Göksel Gülbey bu gün Sumqayıt şəhərini ziyarət etmişdir

O, burada Azərbaycan Müharibə Veteranları Birliyinin (AMVB) Sumqayıt Təşkilatının fəalları ilə görüşmüşdür. Görüşdə Türkiyəli qonaq, birliyin Sumqayıt Təşkilatının sədri Mübariz Quliyev, BDM sədri İsmayıl Ağayev və eyni zamanda Türkiyəli qonaq öz çıxışlarında əsasən ASALA və PKK terror təşkilatlarının bu günə qədər həyata keçirdikləri cinayətlərdən danışaraq bu istiqamətdə dünya ictimaiyyətinin daha yaxından məlumatlandırılması üçün türk və Azərbaycan diaspor təşkilatlarının fəaliyyətlərinin daha da artırılmasının vacibliyini vurğulamışlar. Həmçinin görüşdə qərara alındı ki, Azərbaycanın müharibə veteranları ilə Türkiyədə fəaliyyət göstərən Qazilər Qurumları arasında sıx əməkdaşlıq fəaliyyəti qurulsun. Daha sonra ASİM-DER başqanı Göksel Gülbey tərəfindən erməni qətliamlarının dünya ictimaiyyətinə çatdırılmasında ortaq fəaliyyətlərə vermiş olduğu dəstəyə görə BDM sədri İsmayıl Ağayev, AMVB-nin Sumqayıt Təşkilatının sədri Mübariz Quliyev, BDM-in aparat rəhbəri Samir Adıgözəlli, BDM-in Rusiya təmsilçisi Ələmdar Nəbiyev və araşdırmaçı-jurnalist Elnur Eltürkə təşəkkür plaketi təqdim etmişdir.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]