Bizimlə əlaqə | Reklam
BolgeXeber.Com » Sosial » Güləyən insanlar gec qocalır

Güləyən insanlar gec qocalır

15-10-2012, 10:05
Oxunub: 5 568 Bunun ən azı 6 əsas izahı var

Gülüş immuniteti möhkəmləndirir, bizi stresslərdən qoruyur və qanda xoşbəxtlik hormonu olan endorfinin miqdarını artırır. Elm sübut edib ki, biz hər dəfə gülərkən orqanizmdə qocalma prosesləri ləngiyir. Nə qədər ucadan gülürüksə, orqanizm bir o qədər aktiv şəkildə antitellər hasil edərək müxtəlif infeksiyalara qarşı daha davamlı olur.

Səbəbli və səbəbsiz gülüş min bir dərdin dərmanıdır. Bunun ən azı 6 əsas izahı var.

Gülüş zamanı immunitet möhkəmlənir, ürək-damar sisteminin vəziyyəti yaxşılaşır, hipertoniklərin təzyiqi normallaşır.

Gülüş qarın əzələlərini yığılmağa və boşalmağa vadar edir ki, bu da mədə və bağırsağın işini normallaşdıraraq orqanizmdə şlaklar, toksinlər və xolesterinin daha tez xaric edilməsinə imkan yaradır.

Hər təbəssüm ürək və baş beyinin qan təchizatını canlandırır, ağ ciyərlərin ventilyasiyasını yaxşılaşdırır, üz dərisinin daha yaxşı nəfəs almasına kömək edir. Nəticə - görünüşünüz heyranedicidir.

Gülən zaman xüsusən də uzun müddət kompüter monitoru qarşısında oturan insanın kürək və boyun əzələləri boşalır.

Gülüş kədəri unutmağa kömək edir, depressiyadan xilas edir, yalnız ruhun yox, fiziki formanın da normal qalmasına imkan yaradır.

Çox gülən insanlar allergiya və ya digər dəri səpkilərinə daha az məruz qalır.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]