Bizimlə əlaqə | Reklam
BolgeXeber.Com » Sosial » Polisə yalan məlumat verən qızıl alverçisi tutulub

Polisə yalan məlumat verən qızıl alverçisi tutulub

24-11-2012, 10:50
Oxunub: 5 864 Bakıda polisə avtomobildən külli miqdarda pul oğurlanması barədə məlumat daxil olub.

Bu barədə Bolgexeber.com-a Binəqədi Rayon Polis İdarəsindən bildirilib.

Məlumata görə, ötən gün axşam saatlarında Bakı şəhər sakini, 46 yaşlı Kəmalə İsgəndərova polisə müraciət edərək 9-cu mikrorayon ərazisində avtomobilinin qarət edilməsi barədə məlumat verib. Qadın maşınından 30 min manat və əşyalarının oğurlandığını bildirib.

Daxil olan məlumat əsasında dərhal əməliyyat qrupu yaradılıb. Hadisə baş verən əraziyə baxış keçirilib, orada təhlükəsizlik kameralarının olduğu müəyyənləşib. Kameraların yaddaşına baxarkən isə K. İsgəndərovaya məxsus “Nissan Tida” markalı avtomobildən oğurluq edilmədiyi məlum olub. Hadisə barədə polisə yalan məlumat verən qadın saxlanılıb. Araşdırma zamanı məlum olub ki, qızıl alverçisi olan K. İsgəndərovanın külli miqdarda borcu var. Həmin borclardan yaxa qurtarmaq istəyən qadın bu hiyləyə əl atıb.

Faktla bağlı araşdırma aparılır.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]