BolgeXeber.Com » Sosial » Azərbaycanda daha bir bələdiyyənin vəzifəli şəxsləri barədə cinayət işi başlanıb

Azərbaycanda daha bir bələdiyyənin vəzifəli şəxsləri barədə cinayət işi başlanıb

8-12-2012, 13:40

Oxunub: 4 840

Azərbaycanda daha bir bələdiyyənin fəaliyyətində qanun pozuntuları aşkar edilib. Baş Prokurorluğun mətbuat xidmətinin rəhbəri Eldar Sultanov APA-ya açıqlamasında bildirib ki, Kürdəmir rayonu, Xəlsə bələdiyyəsinin vəzifəli şəxslərinin qanunsuz hərəkətləri barədə Baş prokuror yanında Korrupsiyaya qarşı mübarizə idarəsinə daxil olmuş materiallar araşdırılıb.

Müəyyən edilib ki, bələdiyyənin vəzifəli şəxsləri tərəfindən 2007-2009-cu illərdə 23,5 ha torpaq sahəsi bələdiyyə iclasının qərarı olmadan qanunsuz olaraq icarəyə verilib. Bundan başqa bələdiyyə xəzinəsindən 4.766 manat məbləğində pul vəsaiti müvafiq sənədləşmə aparılmadan silinib. Həmçinin qeyd edilən dövr ərzində “Anar” firmasından yanacaq-sürtgü materiallarının alınması barədə saxta sənədlər tərtib edilməklə bələdiyyə büdcəsindən 1.009 manat məbləğində vəsait qanunsuz olaraq məxaric edilib.

Fakta görə Cinayət Məcəlləsinin 309.1 (vəzifə səlahiyyətlərini aşma) və 313-cü (vəzifə saxtakarlığı) maddələri ilə cinayət işi başlanıb.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]