Bizimlə əlaqə | Reklam
BolgeXeber.Com » Sosial » Xırdalanda kazino qalmaqalı

Xırdalanda kazino qalmaqalı

24-12-2012, 09:50
Oxunub: 4 698 Sakinlər orada 18 yaşından etibarən gənclərin qumara cəlb edildiyini, stolüstü poker oyunları, “Keno” adlı qumar lotosu, qara kontor oynanıldığını deyirlər

Xırdalan şəhər icra hakimiyyətinin yaxınlığında 9 mərtəbəli binada yaşayan bir qrup sakin Bolgexeber.com-a şikayət məktubu göndərib. Buna səbəb binanın altında “Ray” adlanan klubda kazino-qumarxanın sakinləri narahat etməsidir. Onlar bildirirlər ki, “Ray” klub adlanan diskotekada baş verən davalardan, gecə qızlarının səsindən artıq cana gəliblər.
Bundan əlavə, bina sainlərinin uşaqları evlərindən pul oğurlayıb həmin qumarxanada qumar oynayırlar. Sakinlər qeyd edir ki, həmin kazinonu işlədən Yusif adlı şəxs həm də “Ray” klubun sahibidir. Onlar Yusif adlı şəxs haqqında bir sıra məlumatlar da toplayıblar.
Onun “Asif “ adlanan futbol mərci obyekti də var. Sakinlər bildiriblər ki, kazino parkdakı mühafizə polis bölməsinin arxasında yerləşir və mühafizə polisləri də olanlara göz yumur. Sakinlər orada 18 yaşından etibarən gənclərin qumara cəlb edildiyini, stolüstü poker oyunları, “Keno” adlı qumar lotosu, qara kontor oynanıldığını qeyd ediblər.
Bina sakinlər 3 ildir buna göz yumduqlarını bildirsələr də, artıq dözməyəcəklərini deyirlər. Onlar qumarxanada və klubda baş verənlərin fotolarını və videolarını da çəkib redaksiyamıza göndəriblər: “Abşeron Rayon icra hakimiyyətinin başçısı Zakir Fərəcovun icra hakimiyətinin 10 metrliyində baş verən bu hadisələrə biganə qalmasında maraq nədir, bunu anlamırıq”.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]