Bizimlə əlaqə | Reklam
BolgeXeber.Com » Sosial » Azərbaycansayağı kredit maniyası

Azərbaycansayağı kredit maniyası

15-01-2013, 01:25
Oxunub: 5 035 İstehlak kreditləşməsinin artması fonunda banklar vətəndaşlara kreditlər verərkən daha çox zamin tələb etməyə başlayıblar

Azərbaycanda bank kreditlərinə görə zaminlərin sayı kəskin artıb. Əgər 2006-ci ilin martında bankdan kredit alan hər fiziki şəxsə orta hesabla 2 nəfər zamin dururdusa, ötən il bu göstərici bir kredit alana 3 nəfərə çatıb. Bu dövrdə borc alanlara zamin duranların sayı təqribən 48% artaraq 4 milyonu keçib.
Mərkəzi Bank yanında Mərkəzləşdirilmiş Kredit Reyestrin məlumatlarından məlum olur ki, istehlak kreditləşməsinin artması fonunda banklar vətəndaşlara kreditlər verərkən daha çox zamin tələb etməyə başlayıblar. Əhalinin isə məsələyə münasibəti birmənalı deyil.
Ekspertlər hesab edirlər ki, zaminlərin sayının kəskin artımı məhz bankların düzgün kredit siyasəti aparmaması ilə əlaqəlidir. Və nəticədə kredit götürənlə daha çox zaminə ziyan dəyir.
Qeyd edək ki, hazırda reyestrdə 1 milyon 499 318 borcalan haqqında məlumat toplanıb ki, bunun da 1 milyon 475 581-i, yəni 98,4%-i fiziki şəxs, 1,6%-i, yəni 9 129-u hüquqi şəxsdir. Amma kreditlərin qaytarılmasında yaranan problemlər kredit alışına elə də ciddi təsir göstərməyib. Belə ki, son bir il ərzində ölkədə banklardan borc alanların sayı 31,3% artıb. Xüsusilə bu artımın 9,2% -i şirkətlərin və müəssisələrin payına düşüb.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]