Bizimlə əlaqə | Reklam
BolgeXeber.Com » Sosial » Orta məktəbdə yoluxucu xəstəlik aşkarlandı

Orta məktəbdə yoluxucu xəstəlik aşkarlandı

15-01-2013, 01:25
Oxunub: 5 518 Bakının 70 saylı məktəb-liseyində şagirdlər arasında yoluxucu xəstəlik yayılıb

Bakının 70 saylı məktəb-liseyində şagirdlər arasında yoluxucu xəstəlik yayılıb. Məsələ ilə bağlı açıqlama verən Bakı Şəhər Təhsil İdarəsinin sektor müdiri Zəminə Əliqızı bildirib ki, bu hadisə ötən həftə baş verib: “Məktəb rəhbərliyi ilə əlaqə saxladım, onlar da təsdiqlədilər ki, belə bir hadisə baş verib. Belə ki, yanvarın 7-də tətildən qayıdan 1 sinfin dörd şagirdində suçiçəyi aşkarlanıb. Onlar da digər iki şagirdi bu xəstəliyə yoluxdurub”.
Təhsil İdarəsinin sektor müdiri onu da qeyd edib ki, bundan sonra məktəb rəhbərliyi rayon sanitar-epidemiya mərkəzinə xəbər verib və məktəbin həmin sinfində dezinfeksiya işləri həyata keçirilib. “Həmin altı şagird evlərinə buraxılıb və ev şəraitində müalicə olunurlar” - deyə, Z. Əliqızı əlavə edib.
Qeyd edək ki, adıçəkilən liseydə təhsil alan şagirdin valideynlərindən birinin verdiyi məlumatda isə qeyd olunur ki, məktəbdə təhsil alan şagirdlər arasında bu xəstəliyə yoluxanların sayı daha çoxdur.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]