Bizimlə əlaqə | Reklam
BolgeXeber.Com » Sosial » Zığ sakinləri fəlakətin bir addımlığında

Zığ sakinləri fəlakətin bir addımlığında

16-01-2013, 04:05
Oxunub: 4 845 Ekoloqlar hava şəraitinin yağıntılı olacağı təqdirdə ərazidə sürüşmənin daha da artacağını ehtimal edirlər

Zığ kəndində bir neçə binanın sakinləri təhlükə içindədir. Ərazidə sürüşmə zonası aktivləşib, evlərdə çatlar o həddə çatıb ki, artıq bu evlərdə yaşamaq mümkünsüzdür. Nəticədə əvvəlki çatlar genişlənib, yeniləri də əmələ gəlib. Evlərin döşəməsindən tutmuş tavanlarınadək ziyan dəyib. Divarlardakı çatların uzunluğu bir metri keçib.
Ekoloqlar hava şəraitinin yağıntılı olacağı təqdirdə ərazidə sürüşmənin daha da artacağını ehtimal edirlər.
Ekologiya və Təbii Sərvətlər Nazirliyinin mühəndis geologiyası ekspedisiyasının rəisi Bəxtiyar Qaralov həmin yamacda 79 yaşayış binasının olduğunu, bunların da 78-nin sürüşməyə meyilli sahədə olduğunu deyib.
Suraxanı rayon İcra Hakimiyyətinin rəsmisi Xanoğlan Allahverdiyev isə bildirib ki, problemlə bağlı Nazirlər Kabinetinə müraciət olunub. İcra Hakimiyyəti rəsmisi hazırda yuxarı instansiyalardan cavab gözlədiklərini söyləyib. Sakinlərə isə qəzalı vəziyyətdə olan həmin binalarda yaşamamaq məsləhət görülüb.
Xatırladaq ki, bu ərazidə son bir neçə ildə aktivləşmə müşahidə olunur. Keçən il bir neçə dövlət qurumu tərəfindən yaradılmış komissiyanın rəyinə əsasən 22 ailəlik bina köçürülmüşdü.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]