BolgeXeber.Com » Sosial » Məcburi köçkünlərin tələbə şəhərciyindən məcburi köçü başlayir

Məcburi köçkünlərin tələbə şəhərciyindən məcburi köçü başlayir

28-01-2013, 11:50

Oxunub: 5 404

Bakı Dövlət Universitetinin (BDU) tələbə şəhərciyində yaşayan məcburi köçkünlərin bu yaxınlarda köçürülməsinə başlanılacaq.

Bunu SalamNews-a və İnterAz-a Qaçqınların və Məcburi Köçkünlərin İşləri üzrə Dövlət Komitəsinin mətbuat katibi Elçin Qədimov bildirib.

O deyib ki, Qaradağ rayonunun Müşfiqabad qəsəbəsində məcburi köçkünlər üçün inşa olunan çoxmənzilli binaların tikintisi başa çatıb. Qəsəbədə 1296 yerlik şagird üçün 4 mərtəbəli məktəb binası inşa olunub. Həmçinin burada tikilən 2 mərtəbəli uşaq bağçasında məcburi köçkün ailələrdən olan 140-dək uşaq təlim-tərbiyə ilə təmin olunacaq. Hazırda bu tərbiyə müəssisəsinin həyətyanı sahəsində uşaqların əyləncə qurğuları quraşdırılır. Yaxın müddətdə köçürülmə prosesi başlayacaq.

E.Qədimov vurğulayıb ki, yeni qəsəbədə klub-kitabxana, tibb məntəqəsi, poçt şöbəsi, yanğın deposu, 2 istilik qazanxanası, 3 elektrik yarımstansiyası və digər sosial təyinatlı obyektlər də inşa olunub. Evlərin bölgüsü püşk yolu ilə aparılacaq. Ümumilikdə bu mənzillərdə 1440 məcburi köçkün ailəsi məskunlaşacaq.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]