BolgeXeber.Com » İdman » AFFA-nın sabiq baş katibi: “İndi mənə görüşmək üçün əl verəndə ayağımı uzadıram”

AFFA-nın sabiq baş katibi: “İndi mənə görüşmək üçün əl verəndə ayağımı uzadıram”

25-04-2020, 11:33

Oxunub: 5 922

“85 illik ömrümün bir hissəsini elə karantində keçirmişəm. Futbol oynayanda təlim-məşq toplanışına gedirdik. Orda qaldığımız bazadan kənara buraxmırdılar. Ondan sonra “Neftçi”də komanda rəisi işləyəndə də həmin anları yaşamışam.
Ümumiyyətlə, mən 4-5 km piyada gəzməyi xoşlayan adamam. Gəzməyəndə də özümü pis hiss edirəm. Kim sevirsə idmanı, idman sağaldır canı. Amma evdən bayıra çıxmamaq dövlətin qoyduğu tələbdir və buna riayət etməliyik”.
Bunu AFFA-nın sabiq baş katibi, “Neftçi” klubunun keçmiş qapıçısı, əfsanəvi idman şərhçisi, səsinin minlərlə futbol azarkeşi üçün doğma olduğu Çingiz İsmayılov Oxu.Az-a açıqlamasında deyib. Bu ay 85 yaşını tamamlamış Ç.İsmayılov, çətin olsa da, karantin qaydalarına riayət etməyə çalışdığını bildirib:
“Açığı, maska taxmağı xoşlamıram. Amma bu hər dövlətdə var. 300-400 metr uzağa dükana gedirəm. Əlimdə əlcək, gözümdə eynək, başımda da papaq. Heç yaxınlaşıb soruşan da yoxdur ki, neçə yaşın var. Amma bu lazımdır. Prezidentimizin bu addımı dünyaya nümunə ola bilər. Ona görə də, bizdə xəstələrin və ölümlərin sayı azdır. Çünki vaxtında ölçü götürüldü. Amma təəssüflər olsun ki, qaydalara riayət edən yoxdur”.
Çingiz İsmayılov zarafatından da qalmayıb:
“Mən xoşlamıram ki, dost-tanışla görüşəndə öpüşüm. İndi mənə görüşmək üçün əl verəndə də ayağımı uzadıram”.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]