BolgeXeber.Com » BÖLGƏ TV » İsmayıllıda da mühafizəçilər ayağa qalxır - VİDEO

İsmayıllıda da mühafizəçilər ayağa qalxır - VİDEO

28-01-2015, 15:55

Oxunub: 3 088

“Azər mühafizə” MMC-nin İsmayıllı filialında işləyənlər də etirazlara hazırlaşır.

Bolgexeber.com bildirir ki, axar.az-a verilən xəbərə görə, dələduz şirkət müdiri Vüqar Hüseynovun aldatdığı 7 min mühafizəçidən bir hissəsi də bu rayonda depozit qoyub.

Onlar Şabran, Qazax, Tərtər və başqa bölgələrdə olan həmkarları kimi əmək haqlarını ala bilməyib. Mühafizəçilər aksiyalara başlamağı planlaşdırır. Onların arasında 3-10 min manat civarında depozit qoyanlar var.

İsmayıllının mərkəzində mühafizə firmasının ofisi yerləşir və hüququ pozulanlar ora toplaşmağı nəzərdə tutub.

Azərbaycanda irimiqyaslı dələduzluq faktlarından biri olan bu hadisə artıq böyüməkdədir. V.Hüseynova məxsus “Qala” Beynəlxalq Təhlükəsizlik Xidməti də vətəndaşlara kələk gəlib. Barəsində cinayət işi açılmış idarə müdirinin mənimsədiyi vəsaitlərin mühafizəçilərə qaytarılıb-qaytarılmayacağı sual altındadır.

Çox Oxunanlar