BolgeXeber.Com » Dünya » Baş nazir fitə basıldı

Baş nazir fitə basıldı

14-12-2011, 21:20
Oxunub: 5 099 Mario Monti İtaliya Senatında çıxış edərkən etirazla üzləşib

İtaliyanın yeni baş naziri Mario Monti Senatda çıxış edərkən etirazla üzləşib. Müxalif «Şimal Liqası» fraksiyasının üzvləri Montinin çıxışını yarımçıq kəsib. Bu vaxt Mario Monti Avropa Şurasının avrozonadakı böhrana həsr olunmuş iclasının yekununa dair məruzə ilə çıxış edirdi. Baş nazirin iqtisadi tədbirlər planına qarşı çıxan «Şimal Liqası»nın deputatları Montini fitə basıb. Deputatların qışqırığı və fiti spiker Renato Şifanini kiçik fasilə verməyə vadar edib.

Qeyd edək ki, «Şimal Liqası» fraksiyası İtaliyanın sabiq baş naziri Silvio Berluskonini dəstəkləyib və Mario Monti baş nazir təyin edildikdə, müxalifətə keçdiyini bəyan edib.